Përfaqësuesja e Lartë e Politikës së Jashtme të Bashkimit Evropian, Kaja Kallas do ta vizitojë Shqipërinë më 8 prill.
KlanTV ka publikuar edhe agjendën e takimeve që do të ketë ajo gjatë vizitës në Tiranë, e cila në rend të parë ka takimin me presidentin e Shqipërisë, Bajram Begaj.
Pastaj, ajo do të takohet me kryeministrin Edi Rama, tutje me ministrin e Jashtëm, Igli Hasani dhe atë të Mbrojtjes, Pirro Vengu.
Gjithashtu, Kallas do të marrë pjesë në forumin e dialogut Shqipëri-BE për politikën e sigurinë dhe më pas në ceremoninë e marrëveshjes me Bankën Evropiane të Investimeve.
Mësohet se pjesë e turit të saj ballkanik janë edhe vizita në Malin e Zi dhe Bosnje Hercegovinë.
Kjo do të jetë vizita e parë e saj që nga marra e detyrës si Përfaqësuese e Lartë e Politikës së Jashtme të BE-së.
