Deputetja e AAK-së, Time Kadrijaj ka deklaruar se Lëvizja Vetëvendosje është fajtore për bllokimin e konstituimit të Kuvendit të Kosovës.
Ajo ka shtuar se partitë opozitare nuk kanë asnjë obligim për të siguruar votat për zgjedhjen e kryetarit të Kuvendit.
“Bllokuese e konstitutimit të Kuvendit të Kosovës është Lëvizja Vetëvendosje, është absurditet i kohës kur barazohet zgjedhja e kryetarit me zgjedhjen e nënkryetarëve të Kuvendit. Nuk e kemi obligim, ne opozita, që t’i sigurojmë vota Lëvizjes Vetëvendosje dhe kandidates së Lëvizjes Vetëvendosje”, ka thënë Kadrijaj para mediave pas dështimit të seancës së Kuvendit.
Kadrijaj e ka quajtur Lëvizjen Vetëvendosje shkelësen më të madhe të Kushtetutës pasi sipas saj ka miratuar ligje që janë shpallur antikushtetuese.
“Ata u thirren aq shumë në Kushtetutë, e këta janë shkelësit më të mëdhenjtë të Kushtetutës, vetëm shikoni sa ligje i kanë miratuar në Kuvend e që janë shpallur antikushtetuese”, ka deklaruar ajo.
