Deputetja e Aleancës për Ardhmërinë e Kosovës, Time Kadrijaj ka thënë se një propozim për votim të fshehtë të kryeparlamentarit nuk ka ndodhur ndonjëherë.
Sipas saj aktualisht Kosova është duke u mbajtur peng nga emri i Albulena Haxhiut.
Kadrijaj ka shtuar se VV-ja është dashur t’i sigurojë 61 vota dhe jo të kalojë në seanca të tilla që nuk janë në rregull.
“Nuk ka ndodh ndonjëherë një gjë e tillë (kërkesa për votim të fshehtë) apo një tendencë me bo një cirk në Kuvend. VV-ja është dashur t’i sigurojë 61 vota dhe jo të kalojë në seanca të tilla që nuk janë në rregull. Kosova po mbahet peng për një kandidat. Janë lidh me një emër. Ne kemi dhënë propozime për të dalë nga ngërçi. Por Kosova tani po mbahet peng nga emri i Albulena Haxhiu”, ka thënë ajo pas përfundimit të seancës konstituive të Kuvendit.
