Një kërkesë e tillë erdhi edhe nga deputetja e Grupit Parlamentar nga Aleanca për Ardhmërinë e Kosovës, Time Kadrijaj.
Ajo ka kërkuar nga kryeministri i Kosovës, Albin Kurti dhe kryeparlamentari, Glauk Konjufca që të ndërpritet seanca e sotme plenare.
Sipas saj është e turpshme të mbahet kjo seancë përderisa, jashtë Kuvendit veteranët e Ushtrisë Çlirimtare të Kosovës po protestojnë.
“E ki përgjegjësi morale kryeministër, janë kategoria më e vlefshme që sot ne po festojmë lirinë e Kosovës , por nuk mundemi të festojmë përderisa jashtë po protestojnë veteranët dhe invalidët e luftës. Andaj ne sot të nderuar qytetarë e deputet nuk mund të sillemi sikur asgje s’po ndodhë atje jashtë, andaj unë propozoj që kjo seancë të ndërpritet”, tha ajo.