Deputetja e Aleancës për Ardhmërinë e Kosovës, Time Kadrijaj tha se insistimi i kryeministrit në detyrë, Albin Kurti për votimin e komisionit me kandidaten për parlamentare, Albulena Haxhiu ndoshta mund të jetë garanci që ai nuk i ka votat e mjaftueshme për krijimin e qeverisë.
“Nuk e dimë rrjedha e seancës si do të shkojë sepse nuk e kemi ndonjë informacion a do të vazhdohet me procedurat e njëjtat a do të tentohet prapë që të votohet komisioni. Nëse kërkojnë për ta votuar komisionin kandidati për komision është Albin Kurti… Kjo ngelje e Albin Kurtit për votimin e komisionit me kandidaten Albulena Haxhiu ndoshta është garanci që Kurti ndoshta nuk i ka votat as për qeveri”, tha Kadrijaj.
Kadrijaj tha se nëse nuk ka ndryshim në seancën e sotme, është kryeministri në detyrë ai që duhet të reflektojë.
“Ne jemi të angazhuar për situatën zgjedhore. Normal do të përkushtohemi nëpër komunat me kandidatë, plotësimin e listës. Do ta angazhohemi për fushatën për zgjedhjet lokale. Ky do të jetë aktiviteti. Vendimi ka qenë ne s’kemi çka të vijmë në kuvend. Ai që duhet të reflektojë edhe pas kësaj pauze është Albin Kurti t’i sigurojë 61 vota dhe ta ketë një shumicë të thjeshtë”, tha Kadrijaj.
Kushtetuesja ka caktuar masën e përkohshme përmes të cilës ndalohet çdo vendim dhe veprim i deputetëve të zgjedhur lidhur me seancën konstituive pas përfundimit të afatit 30 ditor sot, dhe se nuk do të mund të marrin asnjë vendim tjetër nga 27 korriku deri më 8 gusht.
