Ministri i Mbrojtjes, Armend Mehaj, në Facebook ka njoftuar se Kadetët e Akademisë Ushtarake Amerikane West Point, po marrin pjesë në Garën e Akademive Ndërkombëtare vjetore.
Pjesë e kësaj gare janë kadetët nga akademi të ndryshme ushtarake nga e gjithë bota.
Sipas Mehaj në këtë garë ekipet e akademive testohen në shkathtësi të ndryshme ushtarake.
“Në këtë garë ekipet e akademive testohen në shkathtësi të ndryshme ushtarake si: qëndrueshmëria fizike, navigim, gjuajtje me armë të gjata dhe pistoletë, marshim, si dhe shkathtësi tjera ushtarake”, shkroi ai.
Tutje ministri bëri të ditur se këtë vit pjesë e kësaj gare janë dy kadetë nga Kosova.
“Pjesëmarrës në këtë garë, këtë vit, ishin edhe kadetët nga Kosova, Vesa Ibrahimi dhe Andrin Vuthaj, që janë kadetë të Akademisë Ushtarake West Point në Shtetet e Bashkuara të Amerikës”, tha ai. /teve1.info/
