Banorët e fshatit Lubizhdë tash e disa muaj po ankohen shkaku i rrezikut nga telat e rrymës të rënë në tokë përgjatë gjithë fshatit.
Ndërkohë, sot, si pasojë e kësaj një lopë ka pasur kontakt direkt me telat e rrymës me ç’rast edhe ka ngordhur.
Sipas banorëve, akoma KEDS nuk ka shkuar për të intervenuar, pavarësisht kërkesave të tyre.
Tëvë1 lidhur me këtë problem ka raportuar muaj më parë.
Problemi me rrymë në Lubizhdë është i njëjtë edhe në mes të fshatit.
Telat e rrymës atje janë të lidhur mes degësh, fare pranë trotuarit.
E pikërisht nëpër të kalojnë çdo ditë edhe nxënësit për të shkuar në shkollë.
Ndërsa për të mos u rrëzuar, Tëvë1 ka raportuar se shtyllat elektrike po mbahen me drunj.
Prandaj, banorët shprehin zhgënjimin e tyre me KEDS-in, pasi sipas tyre, kërkesat e bëra tash e tri vjet nuk po merren parasysh./teve1.info/
Kabllot e rrymës edhe mbi varre, banorët e Lubizhdës shprehen të zhgënjyer me KEDS
