Maccabi Haiffa ka arritur ta mposht Juventusin me rezultat 2-0 në kuadër të xhiros së katërt të fazës së grupeve.
Izraelitët ishin të vendosur që në start duke krijuar raste para portës së Juventusit. Epërsia erdhi në minutën e shtatë kur Pierre Cornud asistoi te Omer Atzili i cili me kokë shënoi për 1-0.
Tifozët pritnin rikthimin e Juventusit, por ishte Maccabi që krijonte dhe me meritë shënoi edhe golin e dytë. Omer Atzili pranoi një top në zonë dhe me një gjuajtje të bukur shënoi për 2-0.
Juventusi krejt në fun kishte një rast me Dusan Vlahovicin, por portieri Joh Cohen priti, ndërsa nga topi i kthyer nuk arriti të shënojë Arek Milik.
Zonja e Vjetër bëri shumë ndryshime në pjesën e dytë, por që nuk ia arriti të bëjë diçka më shumë në këtë përballje.
Daniele Rugani ishte i pari që rrezikoi, por nuk ia arriti të shënojë. Juventusi kërkoi penallti në minutën e 67-të, pas rrezikimit në zonë nga Juan Cuadrado, por gjyqtari nuk akordoi një të tillë. Deri në fund edhe pse bëri trusni Zonja e Vjetër, nuk ia arriti të shënojë.
Tani Juventusi ka vetëm tri pikë, aq sa Maccavi Haifa, dhe kualifkimi nuk është më në dorën e tyre, pasi PSG dhe Benfica kanë nga shtatë pikë.
