Skuadra e Juventusit edhe zyrtarisht ka nisur negociatat me Chelsean për sulmuesin Romelu Lukaku, shkruan “Tuttosport” të mërkurën. Te Chelsea nuk llogaritin në sulmuesin belg, i cili edicionin e shkuar ishte i huazuar te skuadra e Interit.
Lukaku te Juventusi po shihet si përforcim ideal për sulmin dhe ekipi italian do të bëjë të pamundurën për ta bindur Chelsean në lirimin e tij.
Në fakt, Lukaku ka marrëveshje personale me Juventusin, ekip që po kërkon huazimin e tij njëvjeçar me të drejtën e blerjes në verën tjetër.
Madje, Juventusi i ka ofruar pagë vjetore prej 12 milionë eurosh Lukakut, i cili ka kontratë me Chelsean deri në vitin 2026.
30-vjeçari pati 14 gola të shënuar me Interin edicionin e shkuar, ndërsa në Itali ka të fituar edhe një titull kampioni.
