Skuadra e Juventusit është në kërkim të një sulmuesi, ndërsa profili më i përshtatshëm për këtë pozitë po shihet reprezentuesi i Shqipërisë, Armando Broja.
Broja pritet të largohet nga Chelsea këtë verë, ndërsa shumë skuadra evropiane kanë shprehur interesim për shërbimet e tij.
Së fundmi, në garë është futur edhe Juventusi, ekip që ka nisur kontaktet me Chelseat për transferimin e Brojës brenda këtij muaji.
Skuadra londineze po kërkon të paktën 30 milionë euro për kartonin e Brojës, i cili ka kontratë me Chelsean deri në verën e vitit 2028.
22-vjeçari ka shënuar 8 gola në 66 ndeshje në Premier League kurse ka luajtur edhe për ekipet si Fulham e Southampton.
Juventusi po e rivalizon Evertonin e Milanin e disa ekipe tjera për shërbimet e Brojës, i cili ishte pjesë e Kombëtares së Shqipërisë në Kampionatin Evropian “Gjermania 2024”.
