Skuadra e Juventusit nuk do ta ketë në dispozicion sulmuesin Kenan Yildiz për dy ndeshjet e ardhshme në Serie A të Italisë.
Yildiz është suspenduar me dy ndeshje dhe ka marrë një gjobë prej 10 mijë eurosh për shkak të kartonit të kuq në ndeshjen e fundit kampionale.
Turku u ndëshkua direkt me karton të kuq në ndeshjen kundër Monzas, të cilën Juventusi e fitoi në shtëpi me rezultatin 2:0 vikendin e shkuar.
Kështu që, Juventusi do të jetë pa Yildizin në dy ndeshjet ndaj Bolognas dhe Lazios, të cilat janë të rëndësishme për një vend që dërgon në Ligën e Kampionëve sezonin tjetër.
19-vjeçari këtë sezon ka shënuar 8 gola dhe ka bërë 5 asistime në të gjitha garat për Juventusin.
