Pas Gleison Bremerit, skuadra e Juventusit ka mbetur edhe pa qendërmbrojtësin tjetër, Pierre Kalulu.
Kalulu u lëndua të mërkurën mbrëma në humbjen e Juventusit 2:0 nga Benfica në kuadër të Ligës së Kampionëve.
Ai u largua nga fusha në pjesën e parë, ndër Juventusi ka konfirmuar se francezi ka lënduar muskulin e këmbës së djathtë dhe do të pauzojë të paktën për 10 ditë.
Lëndimi i tij, do të thotë se Juventusi do të jetë pa Kalulun kundër Empolit, Comos dhe eventualisht Interit.
Kalulu është i huazuar te Juventusi nga Milani dhe deri më tani ka regjistruar 29 paraqitje në të gjitha garat.
