Skuadra e Juventusit ka shprehur interesim për mesfushorin Jadon Sancho, kanë njoftuar të mërkurën mediumet e huaja.
Në fakt, mësohet se Juventusi po synon huazimin e Sanchos gjatë kësaj vere.
Mesfushori anglez po shihet si përforcim i duhur për mesfushën te skuadra italiane për edicionin e ri.
Madje, Juventusi është gati të paguajë 40 milionë euro për Sanchon, i cili ka kontratë me Manchester Unitedin deri në vitin 2026.
Sancho në janar të këtij viti është huazuar te Borussia Dortmundi pasi nuk bën pjesë në planet e Unitedit. Në 5 ndeshje të luajtura në Bundesligë për Dortmundin, Sancho ka edhe 2 asistime.
