Juristi, Ditor Kabashi ka thënë se pret që Gjykata Kushtetues të rrëzojë dekretin e presidentes Vjosa Osmani për shpërndarjen e Kuvendit.
Ai ka thënë se Kuvendit shpërndahet sipas nenit 82 të Kushtetutës sipas tri rasteve të përcaktuara.
“Nuk mund të shoh asnjë arsyetim që të arsyetohet ky vendim i presidentes. Kuvendi shpërndahet sipas nenit 82, në tri rastet që përcaktohen aty, dhe çështja e netit 86 referuar këtij rasti ndodhë vetëm nëse organizohem zgjedhjet. Unë juridikisht pres që Gjykata Kushtetuese ta shpall të pavlefshëm dekretin e presidentes duke arsyetuar se nuk janë plotësuar kushtet të nxjerrë një dekret të tillë”, ka thënë ai në emisionin “InfoNata” në Tëvë1.
Kabashi vlerësuar se dekreti i presidentes nuk ka pasur referencë kushtetuese.
“Në kontekstin juridik kushtetues unë besoj se dekreti i znj.Osmani unë mendoj që nuk ka qenë i rregullt sepse nuk ka pasur referencën e duhur kushtetuese, në rastet e tilla edhe ashtu Kushtetuta jon nuk ofron një referencë të drejtpërdrejtë, janë rrethanat e tjera kur mund të shpërndahet Kuvendit, por assesi si rrjedhojë e moszgjidhjes së presidentit, 30 ditë para përfundimit të mandatit të presidentit aktual”, ka vlerësuar ai.
Presidentja e Kosovës, Vjosa Osmani më 6 mars një ditë pasi dështoi seanca për zgjedhjen e presidentit në mungesë kuorumi, kishte nxjerrë dekretin për shpërndarjen e Kuvendit.
Ajo kishte mbajtur takim edhe me partitë politike për të diskutuar datën e zgjedhjeve të parakohshme.
Gjykata Kushtetuese ka vendosur masë të përkohshme të këtij vendimi pas lëndës që ka pranuar nga Lëvizja Vetëvendosje
