Komuna e Junikut ka njoftuar se është pa energji elektrike që nga ora 01 e natës së kësaj të shtunë.
Sipas komunës nëse edhe një frymë e lehtë frynë, furnizimi me energji ndalet, shkruan teve1.info
“Juniku në terr, përgjegjës KEDS. Reshjet e mbrëmshme të borës në zonën e Junikut e kanë sjellë terr për territorin e Junikut. Edhe pse komuna ka kërkuar veprime nga ana e KEDS, territori i komunës së Junikut është në terr nga ora 01:00 e natës e kësaj të Shtune. Ne jemi dëshmitarë se në kohët e fundit, nëse fryn një erë e lehtë, furnizimi me energji ndalet, nëse bie shi furnizimi me energji ndalet, nëse bie borë furnizimi me energji ndalet”, thuhet në njoftim.
E për këtë sipas tyre fajtor është KEDS.
“Përgjegjësi për këtë dështim është KEDS. Mungesa e energjisë elektrike shkakton dëme të mëdha në familjet e Junikut. Ne apelojmë tek KEDS si përgjegjës për furnizimin me energji elektrike që të bëjë evitimin dhe furnizimin me energji elektrike për banorët e Junikut sa më parë. Banorët e Junikut janë edhe paguesit më të rregullt të energjisë elektrike dhe nuk e meritojnë një trajtim të tillë”, është thënë në njoftim./teve1.info
