Aventura e trajnerit Mirel Jose te Vëllaznimi i Gjakovës ishte e shkurtër.
Klubi nga Gjakova, të mërkurën ka njoftuar se me marrëveshje të dyanshme kanë shkëputur kontratën me Josën.
Po ashtu, Vëllaznimi ka falënderuar Josën për bashkëpunimin dhe punën e deritashme dhe i ka dëshiruar suksese në të ardhmen.
Josa në fillim të muajit janar mori drejtimin e Vëllaznimit, duke zëvendësuar Leutrim Krasniqin.
Josën te Vëllaznimi pritet ta zëvendësoj Xhengiz Rexhepi, i cili më herët këtë sezon ishte në krye të Trepçës ’89.
