Përmes një postimi në Facebook, Jevtiq ka bërë thirrje për dalje në protestë e cila do të mbahet të dielën në ora 12:00 para Shtëpisë së Kulturës në Shtërpcë.
“Fillimisht duhet të them se në aksidentin e sotëm është fat që Milloshi dhe Stefani janë mirë dhe nuk janë në rrezik për jetën. Fotoja e Stefanit të vogël nga infermieria në Shtërpc po rri para syve të mi gjatë gjithë ditës. Një e shtënë ndaj tij dhe ndaj Milloshit është një e shtënë ndaj secilit prej nesh. Ditën e Krishtlindjes, të cilën donim ta kalonim në frymën e besimit tonë ortodoksë, në paqe dhe në rrethin e familjeve tona, e kaluam duke protestuar kundër një akti monstruoz të një personi që është pjesëtar i Forcave të Sigurisë së Kosovës”, ka shkruar Jevtiq.
Policia e Kosovës të premten njoftoi se dy qytetarët në Shtërpcë, njëri 11 e tjetri 21 vjeç, u plagosen nga një veturë në lëvizje. Policia shumë shpejt arrestoi të dyshuarin, i cili është pjesëtar i Forcës së Sigurisë së Kosovës. Për rastin kanë reaguar krerët institucional, si dhe ndërkombëtarët, të cilët dënuan sulmin. /Teve1.info/
