Kryetari i komunës së Shtërpcës, Dalibor Jevtiq ka pritur në takim shefin e misionit të EULEX-it, Lars-Gunnar Wigemark.
Siç thuhet në një njoftim, Jevtiq i ka thënë Wigemarkut se marrëdhëniet e qeverisë me komunën janë jashtëzakonisht të këqija dhe negative dhe ndaj serbëve ushtrohet presion i vazhdueshëm në mënyra të ndryshme.
Jevtiq po ashtu shprehu shqetësimin e tij “për procesin që po udhëhiqet ndaj bashkëqytetarëve të tij të cilët gjenden në paraburgim”.
“Jevtiq ndau të gjitha informacionet e nevojshme me shefin e misionit, por para së gjithash shqetësimet e mëdha për procesin që po udhëhiqet ndaj bashkëqytetarëve tanë që janë ende në paraburgim, shkeljen e të drejtave të tyre elementare njerëzore, veprimet e ndryshme që forcat speciale të policies kishin këtu dhe natyrisht ngjarjen e fundit, kur pati plagosje në Gotovushë, dhe mënyra se si organet e drejtësisë e trajtojnë atë rast, dhe se si një qasje e tillë dërgon mesazhe shumë të këqija për të gjithë ne”, thuhet në njoftim.
Kryetari i komunës së Shtërpcës shtoi se këtyre ngjarjeve duhet t’u kushtojë vëmendje bashkësia ndërkombëtare.
