Këto aktivitete që konsiderohen normale për botën, për banorët e këtij rajoni të aneksuar nga Moska janë luksi i rrallë që vije vetëm pasi sirenat e sulmeve ndalen dhe qyteti pushon pak nga bombardimet.
Ata thonë se lufta ka ndryshuar gjithçka por edhe i ka bërë që ta kuptojnë vlerën e gjërave të vogla në jetë.
“Gjërat kanë ndryshuar në mënyrë dramatike, madje edhe shkuarja në dyqan po bëhet nën zhurmën e alarmit ose shpërthimeve. Njerëzit filluan të vlerësojnë atë që nuk e vlerësonin më parë: të afërmit, punën. Jam mirënjohës që kam një punë dhe shtëpia ime është ende mirë dhe mund të kthehem në shtëpinë time në çdo kohë”, thotë Nikita Belskiy- banor në Zaporizhzhia
Anna Sorokina- banore në Zaporizhzhia, shprehet se për kundër frikës nuk do të lëvizin nga shtëpitë e tyre.
“Është shumë e frikshme, por, ne nuk jemi gati të shkojmë askund, duhet të jemi në shtëpi. Është e frikshme, shumë e frikshme, muaji i fundit ishte edhe më i frikshëm. Por ne jetojmë këtu dhe do të jetojmë këtu. Rusët nuk kanë të drejtë të vijnë këtu me armë. Këtu jemi njerëz paqësorë”, ka thënë ajo.
E paaftë për të mbajtur të gjithë territorin që ka kapur dhe duke luftuar me humbjen e trupave dhe pajisjeve luftarake, Rusia ka shtuar bombardimet ajrore.
Presidenti rus Vladimir Putin, dyfishoi të mërkurën pushtimin e tij të lëkundur të Ukrainës pasi shpalli një dekret të ligjit ushtarak në katër rajone të aneksuara ilegalisht dhe shtoi përgatitjet brenda Rusisë për kufizime dhe goditje të reja.
Urdhri i ligjit ushtarak hedh poshtë përpjekjet e Kremlinit për të portretizuar jetën në Kherson, Donetsk, Luhansk e Zaporizhzhia si duke u kthyer në normalitet./Tëvë1/