Grupi ushtarak jemenas, Huthi ka reaguar pas sulmeve amerikane ndaj Iranit, duke u zotuar se do të mbështesin Iranin në luftën e tij kundër “agresionit sionist dhe amerikan”.
Në deklaratën e tyre ata u bënë thirrje kombeve myslimane të bashkohen në luftën e shenjtë dhe të veprojnë si “një front i vetëm kundër arrogancës sioniste-amerikane”.
Edhe grupi palestinez, Hamas ka thënë se sulmet amerikane ndaj Iranit janë një “kërcënim i drejtpërdrejtë për paqen dhe sigurinë ndërkombëtare” dhe “një ndjekje e verbër e axhendës së pushtuesit të pabesë sionist”.
