Jashari në emsionin “Këndi i Debatit” në Tëvë1, tha se pret nga kryeministri Albin Kurti që këtë javë t’i thërras sindikatat dhe të debatojnë për ligjin e pagave.
“Ne do të shohim si do të reflektojë ky vendim te anëtarësia jonë. Presim që këtë javë Kurti pasi që e bëri më në fund një hap pozitiv që t’i thërras sindikatat dhe të debatojmë për ligjin e pagave dhe të shohim se ligji është shumë afër dhe kemi garancione të tilla. Mbase do të ketë një shtensionim të situatës. Mirëpo për aktualitetin tani mbetet në fuqi vendimi i prerë i kongresit të SBASHK-ut, pra kërkesa jonë nuk ka qenë vetëm për një muaj”, ka thënë ai.
Ai thotë se hapi i sotëm i Qeverisë nuk do të thotë se ka rënë poshtë versioni i grevave.
“Mirë që ju ka ndihmu të tjerëve por kërkesa jon është për çdo muaj deri sa nuk bëhet ligji. Dhe kërkesë e jona është që ligjin ta bëjmë bashkë sepse konsiderojmë se ligji i pagave për sektorin publik është ligj vital, është ligj që lidhet me jetën. Hapi i sotëm nuk do të thotë se ra poshtë versioni i grevave. Versioni dhe mundësia e grevave mbetet. Për momentin mbetet 20 prilli sepse kështu ka vendosur kongresi dhe duhet ta respektojmë”, deklaroi Jashari. /teve1.info/
