Jashari në emisionin “Këndi i Debatit” në Tëvë1, ka thënë se nuk e ka pritur vendimin e sotëm, i cili sipas tij, ka qenë aktgjykim me “tahmin”
“Unë nuk e kam pritur këtë vendim dhe për mua është pak absurd që dy persona të dënohen me nëntë vjet për 3 konferenca të shtypit. Gjëja e parë që e bënë një prokuror është të shohë se a përputhen të gjitha elementet e veprës penale në veprimet e atij personi”, tha ai.
Sipas avokatit nëse e lexojmë ligjin do të shohim gjendjen faktike të cilën gjykata sipas tij është e obliguar ta vërtetojë në mënyrë të plotë dhe të saktë, e këtu ai tha se del një ndryshim jashtëzakonisht i madh ose një mospërputhje.
“Gjykata ka hyrë në nivel të paragjykimit gjë që nuk bënë, sepse drejtësia nuk e ka me “tahmin” e as me paragjykime. Ky aktgjykim komplet mbështetet në analogji dhe paragjykime”, shtoi ai. /teve1.info./
