Avokati, Arbër Jashari ka thënë se dëshmia në Hagë e James Rubin, ish- ndihmëssekretar amerikan i Shtetit ka për qëllim të tregojë rolin e Hashim Thaçit në luftë.
Ai ka thënë se në këtë dëshmi do të sqarohet se a ka qenë Thaçi ai që ka vendos gjithçka gjatë kohës së luftës.
“Arsyeja pse është thirr Rubin të dëshmojë, është vetëm një, që të dëshmojë cfarë roli kishte Thaçi në luftë. A ka qenë ai që ka vendosë për gjithë UCK-në a ka qenë ai që i ka marrë të gjitha vendimet vet apo ka qenë siç u tha sot një rol përfaqësues i delegacionit të Kosovës dhe një përfaqësues i UCK që nuk i merr vendimet vet”, ka thënë Jashari në emisionin “Mesditë” në Tëvë1.
Ai ka thënë se kjo gjykatë është krijuar vetëm për Thaçin.
Jashari ka vlerësuar se nëse pala mbrojtëse arrin të dëshmojë pafajësinë e Hashim Thaçit, do të ketë efektë edhe të grupi tjetër.
“Nëse mbrojta arrin me vërtetua që z.Thaci nuk kishte një rol udhëheqës, dominues dhe ta rrëzojë atë narrativen e prokurorisë në raport me rolin e Thaçit do të jetë shumë më e lehtë dhe i liron edhe pjesëtarët e tjerë të grupit”, është shprehur ai.
Rubin sot ka nisur dëshminë në Hagë si dëshmitar i mbrojtjes. Dëshmia e tij është paraparë të zgjasë tri ditë.
