Sipas tij, e rëndësishme është që deputetët e Kuvendit të Kosovës të votojnë pro projektligjit për tërheqjen e parave nga Fondit Pensional.
“Protesta nuk është politike, ne presim nga deputet që ta kryejnë punën e tyre në kuvend dhe të votojnë pro projektligjit. Ndërsa qytetarët e kryejnë punën e tyre duke protestuar para Kuvendit të Kosovës. Ata do kërkojnë që ata deputetë të cilëve u kanë dhënë votën, ta votojnë projektligjin për tërheqjen e 30 përqind të Trustit”, tha ai për Tëvë1.
Jashari tutje tha se kjo protestë do fillojë marshimin nga sheshi Zahir Pajaziti në drejtim të Kuvendit të Kosovës.
“Do grumbullohemi në sheshin Zahir Pajaziti pastaj marshojmë drejt Kuvendit të Kosovës. Aty do të mbajmë fjalime, unë si organizator dhe bashkëpunëtorët tjerë që na kanë përkrahur në protestë, Sindikata e re e KEK-ut dhe sindikatat tjera”, tha ai në emisionin “Ditari”
Gjithashtu, ai bëri të ditur se përveç sindikatave, në protestë do marrin pjesë edhe qytetarë të shumtë.
