Mesfushori i Kombëtares së Kosovës, Muharrem Jashari edhe një herë e ka konfirmuar veten si lojtar i rëndësishëm te Cherkasy, ekip që bën gara në Superligën e Ukrainës.
Klubi ukrainas ka njoftuar të mërkurën se Jashari është shpallur futbollisti më i mirë për muajin mars pasi ka marrë shumicën e votave të tifozëve të Cherkasyt.
Kjo nuk është hera e parë që Jashari shpallet lojtar i muajit te Cherkasy pasi këtë sezon mesfushori ka treguar paraqitje fantastike në kampionat.
Në tri ndeshje kampionale në luajtura në muajin mars, Jashari ka kontribuar me një gol dhe asistim kurse Cherkasy është i dhjeti në tabelë.
Jashari 27-vjeçar këtë sezon ka 5 gola e 7 asistime në të gjitha garat për Cherkasyn, ekpi me të cilin ka kontratë deri në fund të vitit 2026.
