Mesfushori Ardon Jashari është kthyer në stërvitje te Clubb Brugge, kanë njoftuar të martën mediumet belge.
Mësohet se Jashari nuk ka stërvitur me pjesën tjetër të ekipit, por po përgatitet me një program të personalizuar për t’u bërë gati fizikisht derisa e ardhmja e tij mbetet e paqarat.
22-vjeçari i ka bërë me dije Brugget se dëshiron transferimin te Milani në Serie A, por marrëveshja mes klubeve ende nuk është arritur ani pse negociatat po vazhdojnë.
Brugge po insiston në kërkesën prej 40 milionë eurosh për Jasharin derisa Milani ka ofruar 38 milionë euro me bonuse, por ende nuk ka marrëveshje.
Jashari nuk u përfshi në ekip te Brugge për ndeshjen e Superkupës së Belgjikës, trofe që e fituan të dielën e shkuar dhe mbetet të shihet se si do të shkojnë gjërat këtë javë.
Ai ka kontratë deri në verën e vitit 2029 me Bruggen, ekip të cilit iu bashkua verën e shkuar nga Luzerni.
