Ai në emisionin “Ditari” në Tëvë1 ka komentuar shkrimin e ministres Gërvalla me rastin e 23-vjetorit të Çlirimit të Kosovës, ku nuk përmendi UÇK-në për kontributin për çlirimin e vendit.
Madje, Jashari thotë se një ministre e tillë nuk duhet ta ketë vendin në Qeverinë e Kosovës.
“Mendoj se nuk do të duhej një veprim i tillë nga kjo ministre dhe nga Qeveria kur kihet parasysh se padrejtësisht në tribunalin e Hagës po gjykohet lufta e drejtë dhe pastër e UÇK-së dhe gjithë ato deklarimet e individëve qoftë në institucione se në Hagë po gjykohen individë, dua të ju sqarojë edhe atyre dhe çdokujt se në Hagë nga Specialja po gjykohet lufta e pastër e UÇK-së. Me të njëjtin qëllim për të bërë përpjekje të vazhdueshme duke u marrë me akuza të rreme nga Serbia, por gjithsesi nga njerëz siç i quante baca Adem ‘dashakëqij’ ose ‘argatë të dreqit’ që bashkëpunojnë me Serbinë, por edhe me institucionet tjera që nuk ja dojnë të mirën këtij vendi”, tha ai.
Sipas tij, këto veprime të Gërvallës do të duhej të ishin shqetësusese për Qeverinë edhe për kryeministrin e Kosovës, Albin Kurti.
“Besoj që për këtë çështje do të ishte shqetësim për Qeverinë dhe Kurtin sepse nuk do të duhej që në Qeverinë e Republikës së Kosovës të ketë ministra të tillë që nuk e njohin, çmojnë dhe qëllimisht ndoshta nuk duan ta dinë se si kemi ardhë deri këtu në një ditë. Kur dihet vendi me përpjekje të shumta ku çmohen dhe respektohen të gjithë ata që kanë dhënë në çfarëdo forme për të ardhur këtu në periudha të ndryshme kohore të historisë. Mendoj se ministrja Schwarz ka pasur një qasje të gabuar jo vetëm tash, por edhe gjatë gjithë kohës prej se është vendosur ministre në dikasterin shumë të rëndësishëm”, shtoi ai./teve1.info/
