Analisti Shemsi Jashari ka thënë se në këto momente sheh hezitim nga të gjitha partitë politike të marrin përgjegjësi për formimin e institucioneve.
Ai ka thënë se rezultatet e arritura nga partitë politike në zgjedhjet e 9 shkurtit kanë krijuar një situatë të tillë.
“E shoh një hezitim të gjitha subjekteve politike për të marrë përgjegjësi në këtë fazë me këta numra, me këtë përbërje që kanë dalë nga zgjedhjet. Rendi Kushtetues është që LVV-ja ta bëjë qeverinë, si subjekti i parë që ka më së shumti vota. Do duhej që ajo të provojë ta formojë qeverinë”, ka thënë ai në emisionin “Ditari” në Tëvë1.
Ai ka akuzuar Vetëvendosjen për largim të partnerëve të mundshëm siç ka thënë me veprimet e bëra.
Megjithatë, ai vlerëson se si partitë fituese në zgjedhje e që e ka të drejtën e para për ta formuar qeverinë , dhe partnerin më të mundshëm e sheh Lidhjen Demokratike të Kosovës.
Ai për këtë përmend edhe një arsye.
“Gjasat më të mëdha që me LDK-në ta bëjë Qeverinë. Këtu kam parasysh afërsinë e z. Abdixhiku me presidenten Osmani. Për të marrë edhe një mandat të presidentes, Osmanit i duhen votat e një subjekti politik e i vetmi që mund ta votojë znj Osmani është LDK”, u shpreh ai.
