Deputetja e zgjedhur e PDK-së, Sala Jashari e cila si deputetja më e re e Kuvendit e bashkëkryeson seancën konstituive bashkë me Avni Deharin nga LVV, si deputeti më i vjetër, ka akuzuar këtë të fundit se në seancën e së enjtes ka bërë shkelje të rregullores.
Ajo ka thënë se Dehari është dashur të vazhdojë me pikat e rendit të ditës, pasi në seancë kanë qenë 100 deputetë.
Jashari në emisionin “InfoNata” në Tëvë1 ka thënë se LVV nuk i ka votat dhe me veprimet në Kuvend po teton të blejë kohë.
“Z.Dehari ka dalë jashtë kornizës së drejtimit të seancës duke bërë shkelje të rregullave të seancës. VV është duke u munduar të blejë kohë deri në arritjen e votave që aktualisht nuk i kanë. Shtyrja e seancës nënkupton që nuk I kanë votat e mjaftueshme dhe po krijon kohë”, ka thënë ajo.
