Organizatori i kësaj proteste, Adnan Jashari për Tëvë1 ka bërë të ditur se rreth 1000 punëtorë të KEK-ut pritet të marrin pjesë nesër në protestë.
“Rreth 1000 punëtorë të KEK-ut pritet të vinë nesër në protestë. Ndërsa, sa i përket policisë dhe shërbyesve civilë, në protestë do të marrin pjesë vetëm kryesia e sindikatës”, tha ai në emisionin “Ditari”
Teksa theksoi se përveç KEK-ut, përkrahje morën edhe nga kryesia e Sindikatës së Policisë së Kosovës.
“Ne kemi bashkëpunuar edhe me sindikata të punës, fillimisht kemi biseduar me Sindikatën e Re të KEK-ut e cila na ka dhënë përkrahje. Gjithashtu kemi marrë përkrahje edhe nga kryesia e Sindikatës së Policisë”, shtoi tutje Jashari.
Më tej, Jashari tha se presin ende që deputetët të reflektojnë mbi këtë vendim dhe ta ndryshojnë votën e tyre.