Situata e Adnan Januzajt te Sevilla ka ndryshuar për të mirë, pasi klubi spanjoll ka vendosur ta mbajë sulmuesin e krahut.
Në fakt, është trajneri Matias Almeyda që ka kërkuar qëndrimin e Januzajt, i cili ishte afër shkëputjes së kontratës me Sevillan.
Trajneri Almeyda beson se Januzaj mund të jetë i rëndësishëm për projektin e tij dhe po punon për t’ia rikthyer formën 30-vjeçarit.
Januzaj u inkuadrua në 20-të minutat e fundit në humbjen 3:2 ndaj Athletic Bilbaos, por tregoi paraqitje të mirë duke demonstruar aftësitë e tij teknike.
Januzaj ka kontratë me Sevillan deri në vitin tjetër kurse sezonin e shkuar ishte i huazuar tek Las Palmasi.
