Basketbollisti Muhamedali Janjeva më nuk është pjesë e skuadrës së Sigal Prishtinës.
Me anë të një postimi në rrjetet sociale të hënën, Janjeva ka konfirmuar largimin nga Prishtina.
Në mesazhin e tij drejtuar bashkëlojtarëve, tifozëve dhe klubit, Janjeva tha se ndarja me Prishtinan ka ardhur si pjesë e rrugëtimit të tij profesional.
“Dua t’ju njoftoj se nga sot nuk jam më pjesë e klubit Sigal Prishtina. Edhe pse kjo ndarje erdhi si rezultat i një procesi që nuk e kam dëshiruar, e respektoj plotësisht rrugëtimin tim profesional dhe jam i detyruar të vazhdoj drejt hapave të rinj në karrierë”, shkroi ai.
Gjithashtu, Janjeva falënderoi klubin dhe tifozët për mbështetjen e dhënë gjatë kohës sa ishte pjesë e Sigal Prishtinës.
Janjeva këtë sezon, në total ka regjistruar 5 paraqitje për Prishtinën, tri në Superligë dhe dy në Ligën ENBL, ku ka luajtur me një mesatare prej 5 pikëve për ndeshje.
