Autore: Adea Mustafa
Numri i ndërtimeve në vend mbetet një trend në rritje.
E të njëjtën rritje po pretendohet ta kenë edhe çmimet e banesave në shitje.
Sipas të dhënave nga Agjensia e Statistikave të Kosovës, çmimet e banesave në Kosovë shënuan ngritje 4.2 për qind në tremujorin e dytë të këtij viti krahasuar me 2024.
Për qytetarët, këto çmime janë jashtë standardit të Kosovës.
“Janë të tmerrshme për standardin, ekonominë që e ka Kosova, zhvillimin ekonomik që e ka Kosova, këto çmime janë të tmerrshme. Unë nuk e di qysh shteti nuk reagon. Për qytetarët e tmerrshme është si qeraja, si çmimet e banesave janë të tmerrshme“, thotë Halim Ruka – qytetar.
Njëjtë mendon edhe qytetari tjetër, Suad Mustafa.
“Unë mendoj që është një rritje bajagi e madhe. Qytetarët kanë nevojë me pas një banim, organizim të jetës tyne dhe me mujt me zhvillu jetën me pas banimin, punësimin. Po këtu te na është një emet që institucionet bankare me i pas për bazë pagat, të ardhurat dhe me stimulu qytetarin. Shembull qysh ka në vende të tjera këtu diqka është, se di çka është duke u zi.”, shprehet Suad Mustafa.
Burim Halili, zyrtar i njërës nga Agjensioniet e Patundshmërisë në kryeqytet vlerëson se rritja më e madhe ka ndodhur kryesisht në tri vitet e fundit.
“Sa i përket çmimeve në patundshmëri kemi ndryshime jashtëzakonisht të mëdha sidomos në 10 vjeçarin e fundit. Po ndryshimet e mëdha janë në tre vitet e fundit. Nëse flasim me përqindje, në dhjetë vjeçarin e fundit mund të them që e kemi një ngritje për 100% të çmimeve. Ndryshimi i madh ka ardhë në tre vjeçarin e fundit, ndërsa në shtatë vitet e para ngritja ka qenë përafërsisht 10%. Ndërsa në tre vitet e fundit ngritja ka qenë 60-70%”, thotë ai.
Por cilat janë arsyet?
“Një arsyje është ngritja e produkteve të ndërtimeve, ato kanë pësuar ngritje. Pastaj është edhe fuqia punëtore se siç e dina pak ka ndiku edhe libralizimi i vizave sepse klasa që më së shumti sot shkon në Evropë edhe punon janë ata që punojnë në sektrorin e ndërtimit edhe kjo ka ndiku në ngritjen e çmimeve”, shprehet Halili.
Njëjtë mendojnë edhe ekonomistët.
“Evropa është në krizë dhe po e shihni që diaspora nuk e ka më atë fuqinë blerëse që ka pas në të kaluarën…po e shihni që në Kosovë është një numër i madh i banessave të zbrasura që dëshmon që përkundër asaj që po ndërtohet, ka rënë fuqia blerëse dhe e tëra kjo ndikon që çmimi të mbetet i njëjti apo ndoshta të ngritet sepse është në disproporcion total i realitetit i krijuar në tregun vendor”, shprehet Safet Gërxhaliu – ekonomist.
Sipas të dhënave nga ASK, çmimi i pronave është rritur dukshëm nga 2018 deri 2025, veçanërisht në Prishtinë me 6.5 për qind, ndërsa në rajonet e tjera 0.7 për qind.
