Mban emrin e xhaxhait të tij i cili dha jetën për atdhe.
Ilir Konusheci i ri, në përvjetorin e rënies së heroit të kombit i njohur me nofkën Mërgimi, po bën nderime pranë varrit të dëshmorit.
I lindur vetëm një vit pas flijimit të furnitorit kryesor të UÇK-së, Iliri tregon se çka do të thotë për të mbajtja e emrit të heroit.
“Me mbajte emrin e Ilir Konushevcit nuk është vetëm privilegj por është edhe përgjegjësi e madhe jo vetëm ndaj meje por edhe ndaj heroit legjendar agjit tem jo vetëm njeri i familjes teme por njëri i popullit shqiptar”, tha nipi i heroit.
26 vjeçari shpreson që sa do pak të arrijnë t’i dalin hak sakrificës së xhaxhait.
“Çdo vepër jo vetëm nga ne por nga të gjithë populli për shkak se ai ka jep gjakun për të gjithë ne, unë jam i emoconum cdo vit edhe më shumë nuk di a mundem me dal hakut sakrificave të tij por do të përpiqem me jep me të mirën”, tha ai.
Si njëri të urtë e fjalë pak e kujton mikun e tij, Iliri Konushecin, edhe Sabri Tahiri nga Gjilani.
“Karakteristikë kryesore e Ilirit ka qenë se ka qenë një djalë shumë i urtë, jashtëzakonisht inteligjent dhe njëri i cili ka pasur fjal pak e punë shumë e kjo e ka karakterizuar edhe ne veprimtarin e tij .Ai ka qenë njeriu kryesor i cili e ka bërë furnizimin me armë të ushtrisë Clirimtare të Kosovës”, tha familjari Sabri Tahiri.
Ilir Konusheci u vra mëngjesin e hershëm të 9 majit më 1998, në një pritë të organizuar nga dora e zgjatur e pushtuesit serb, së bashku me mjekun Hazir Mala, derisa udhëtonin për në Bajram Curr, me një kamion të ngarkuar me armatim.
