Pas më shumë se 26 vitesh, brenga e tij më e madhe është lehtësuar.
Kadri Kryeziut forcat serbe ia rrëmbyen gjatë luftës djalin, Sabedinin, dhe për fatin e tij nuk kishte më asnjë informacion.
Vetëm para tri ditësh, Kadriut i erdhi lajmi i shumë pritur se eshtrat të birit të tij janë gjetur.
Dhimbja, ai thotë se i është lehtësuar, pasi trupi i Sabedinit do të pushoj në varrezat e vendlijes së tij.
“Më siguruan se janë eshtrat se ka ndodhë qitu në katun tonë i kanë varros eshtrat për njërin e janë ardhë mas një kohe i kanë nxjerrë apet i kanë thënë jo spaskan qenë këta por tjerë e për këtaqë janë gjetë qatje të grupit të Kralanit për qëta na kanë siguru që janë qëta fill kurrfarë dyshimi mos me u bë”, tregoi babai i Sabedinit, Kadri Kryeziu.
Kryeziu nuk mund t’i mbaj emocionet, teksa rrëfen për momentin kur forcat serbe ia morën nga duart djalin.
“E kam pasë qështu për skaj djalin, për skaj meje edhe një tjetër në këtë anë, veç i ka ra shkelmë djali it ha çu se te koke i mirë me punu, mu sum banën za hiq smë preken mu edhe këtij tjetrit qashtu i kanë marrë e i kanë nisë nifar shpati një livadh rend qatherë veç jam kthy një herë i kam kqyrë edhe ja kom cu dorën i thashë zotit amanet”, tha ai.
Të freskët e ka edhe komunikimin e fundit që e kishte me të.
“Vallahi veç kur i kanë marrë ka thanë kuku babë, i thashë zotit amanet tjetër sen asgjë veç i kanë kapë a e di qysh me zerzele kështu çu çu hec hec hec shpejt hec shpejt i kanë tfillu qashtu më për ta s’kemi ditë asgjë”.
Eshtrat e Sabedin Kryeziut janë në mesin e 26 të zhdukurve të tjerë, të cilët u gjetën së fundmi në fshatin Kralan të Gjakovës.
Që të gjithë të pagjeturit janë të luftës së fundit në Kosovë.
