Sulmet izraelite vranë 23 palestinezë, përfshirë fëmijë, dhe plagosën 70 të tjerë, gjatë ditës së tretë të festës së Kurban Bajramit, një nga festat më të shenjtë në Islam.
Sipas agjencisë palestineze të lajmeve Wafa, tetë persona humbën jetën nga një sulm ajror në një shtëpi në qytetin Jabalia, në veri të Gazës.
Më herët, radio Al-Aqsa raportoi për dhjetë viktima, përfshirë fëmijë, pas goditjeve ndaj shtëpive dhe tendave të të zhvendosurve në Khan Younis.
Në Rafah, në jug të Gazës, katër persona u vranë dhe dhjetëra u plagosën pranë një pike shpërndarjeje ndihmash humanitare, ndërsa një tjetër palestinez u vra në zonën e Korridorit Netzarim, gjithashtu pranë një vendndodhjeje të ndihmave, raportoi Anadoly.
Dëshmitarët thanë se ushtria izraelite vazhdoi të bombardonte shtëpi dhe ndërtesa në Jabalia dhe qytetin lindor të Gazës.
Ky është Bajrami i katërt që banorët e Gazës kalojnë nën bombardime. Që nga fillimi i luftës në tetor 2023 – Izraeli ka lënë të vrarë afër 54,800 persona, ka sjellë uri masive dhe ka zhvendosur afër 90 për qind të popullatës.
