Ministria e Shëndetësisë e Gazës ka thënë se 710 palestinezë, përfshirë 200 fëmijë, janë vrarë që kur Izraeli prishi armëpushimin të martën.
Vetëm të enjten, numri i palestinezëve të vrarë nga sulmet izraelite ka arritur në 85, raporton Al Jazeera.
Khalil al-Daqran, zëdhënës i Ministrisë së Shëndetësisë në Rripin e Gazës, ka thënë se 900 palestinezë janë lënduar që nga e marta.
Shumë prej të plagosurve në sulmet izraelite vdiqën për shkak të pamundësisë për të ofruar kujdes urgjent mjekësor për shkak të mungesës së pajisjeve bazë dhe ilaçeve, shtoi ai.
Rreth 70 për qind e të plagosurve janë fëmijë dhe gra, dhe shumica e lëndimeve të tyre janë të rënda, tha al-Daqran.
Në ndërkohë, Izraeli ka lëshuar urdhëra të ri evakuimi në enklavë teksa përgatitet për sulme të reja tokësore dhe ajrore.
