Izraeli ka deklaruar se ka kryer sulme ajrore ndaj gjashtë aeroporteve në Iran, duke shkatërruar 15 avionë dhe duke dëmtuar pistat e ulje-ngritjes.
Në një postim në rrjetet sociale, Forcat e Mbrojtjes së Izraelit (IDF) bënë të ditur se objektivat ishin të vendosura në pjesën perëndimore, lindore dhe qendrore të Iranit.
Sipas IDF-së, gjatë sulmeve me dron janë shkatërruar avionë luftarakë të tipit F-15 dhe F-5, një avion për furnizim me karburant në ajër dhe një helikopter sulmues AH-1 Cobra. Po ashtu, janë dëmtuar pista si dhe bunkerë nëntokësorë, shkruan BBC.
Nuk është e qartë se kur kanë ndodhur këto sulme, ndërsa autoritetet iraniane ende nuk kanë konfirmuar ngjarjen.
