Një sulm ajror izraelit në një tendë mediatike në Gaza ka lënë të vrarë së paku dy persona.
Shpërthimi me bombë ndodhi pranë spitalit Nasser në Khan Younis herët të hënën, ku la të plagosur edhe disa reporterë të tjerë.
sulmi ndodhi rreth orës 3 të mëngjesit, duke vrarë gazetarin Helmi al- Faqawi si dhe një person të quajtur Yousef al-Khazindar, sipas agjencisë palestineze të lajmeve Wafa.
Raportet thanë se nëntë persona, gjashtë prej tyre gazetarë, u plagosën, “disa rëndë”, në sulm.
Gazetari Ahmad Mansour thuhet se po luftonte për jetën pasi pësoi “djegie të rënda”, ka raportuar Al Jazeera.
Sulmi në çadrën e medias erdhi një ditë pasi gazetarja Islam Meqdad u vra së bashku me burrin dhe fëmijën e saj, duke rritur viktimat e raportuara në mesin e përfaqësuesve të mediave në Gaza.
Instituti Watson për Marrëdhëniet Ndërkombëtare dhe Publike ka thënë se lufta e Izraelit në Gaza është tani më vdekjeprurja ndonjëherë për punonjësit e medias, sipas projektit të tij Kostot e Luftës.
Raporti i grupit të ekspertëve me bazë në Shtetet e Bashkuara të publikuar javën e kaluar deklaroi se forcat izraelite kanë vrarë 232 gazetarë dhe punonjës të medias që nga fillimi i luftës në enklavë pas sulmit të 7 tetorit 2023 nga Hamasi në Izraelin jugor.
Mesatarisht, 13 reporterë dhe punonjës të medias janë vrarë çdo javë nga bombardimet.
Shifrat tregojnë se më shumë gazetarë janë vrarë në konflikt se sa në të dy luftërat botërore, në luftën e Vietnamit, në luftërat në Jugosllavi dhe në luftën e SHBA-së në Afganistan të kombinuara, thuhet në raport.
