Izraeli po përgatitet të krijojë një agjencion për mbikëqyrjen e asaj që e kanë quajtur “largim vullnetar “ të palestinezëve në Rripi i Gazës.
Një zëdhënëse e kryeministrit Benjamin Netanyahu konfirmoi të hënën se agjencia po ndërtohet pas miratimit të planit nga kabineti izraelit i sigurisë gjatë fundjavës.
Kabineti i sigurisë thuhet se miratoi propozimin e ministrit të mbrojtjes Israel Katz për të krijuar agjencinë të shtunën.
Zëdhënësja konfirmoi se një autoritet i ngarkuar me “përgatitjen e largimit vullnetar të banorëve të Rripit të Gazës në vendet e treta në një mënyrë të sigurt dhe të kontrolluar” po krijohej.
Kjo do të bëjë që administrata e emigracionit të vihet nën kontrollin e Ministrisë së Mbrojtjes, tha ajo.
Masa vjen pas sugjerimeve të Presidentit të Shteteve të Bashkuara, Donald Trump, se banorët e Gazës duhet të zhvendosen në vende të tjera, gjë që grupet e të drejtave dhe kritikët në mbarë botën kanë thënë se është spastrim etnik, largim me forcë i një popullsie nga shtëpia e saj.
Nacionalistët izraelitë kanë kërkuar prej kohësh dëbimin e palestinezëve nga Gaza dhe Bregu Perëndimor i pushtuar.
Sugjerimi shkaktoi zemërim të gjerë ndërkombëtar, duke shkaktuar kundërshtime të ashpra nga palestinezët, negociatorët arabë dhe shumë vende të tjera anembanë globit.
Netanyahu ka thënë më parë se ishte “i përkushtuar” ndaj planit të Trump “për krijimin e një Gaze tjetër”, ndërsa premtoi se, pas luftës, “nuk do të ketë as Hamas dhe as Autoriteti Palestinez” që do të qeverisë territorin, raporton Al Jazeera.
Lëvizja izraelite e paqes Peace Now e dënoi veprimin, duke e etiketuar atë “një njollë të pashlyeshme mbi Izraelin” në një postim në X në anglisht.
“Kur jeta në një vend të caktuar bëhet e pamundur nga bombardimet dhe rrethimi, nuk ka asgjë ‘vullnetare’ për largimin e njerëzve,” shkroi organizata.
Nuk pati reagime të menjëhershme nga Egjipti dhe vendet e tjera arabe për konfirmimin e planit.
