Izraeli kreu sulme ajrore në Jemen një ditë pasi kryeministri izraelit, Benjamin Netanyahu kërcënoi për hakmarrje pasi një raketë e lëshuar nga Huthët ra pranë aeroportit Ben Gurion në Tel Aviv.
Të paktën dy persona u vranë dhe 42 të tjerë u plagosën nga sulmet.
Zyra e medias e rebelëve tha se të paktën gjashtë sulme goditën portin vendimtar të Hodeidas të hënën pasdite. Sulme të tjera goditën një fabrikë çimentoje në distriktin Bajil, të vendosur 55 kilometra (34 milje) në verilindje të qytetit Hodeida, thanë rebelët. Shkalla e dëmit në të dy objektet nuk ishte menjëherë e qartë.
Ushtria izraelite tha se më shumë se 20 aeroplanë luftarakë izraelitë morën pjesë në operacion, duke hedhur më shumë se 50 municione në dhjetëra objektiva.
Yedioth Ahronoth, një tjetër e përditshme izraelite, raportoi se ushtria e quajti operacionin “Qyteti Port”.
Banorët e Hodeidës thanë se dëgjuan shpërthime në port, me flakë dhe tym që ngriheshin mbi zonë. Sirenat e ambulancave u dëgjuan gjithashtu në të gjithë qytetin, thanë ata.
Huthitët pretenduan se sulmet ishin një operacion i përbashkët izraelito-amerikan. Megjithatë, një zyrtar i mbrojtjes i SHBA-së tha se forcat amerikane nuk morën pjesë në sulmet izraelite në Jemen të hënën.
Më vete, ushtria amerikane nisi sulme të shumta të hënën në Sanaa, tha një zyrtar tjetër amerikan. Ky zyrtar foli gjithashtu në kushte anonimiteti për të diskutuar operacionet ushtarake, raporton AP.
Nasruddin Amer, kreu i zyrës së medias së Houthi-t, tha se sulmet izraelite nuk do t’i dekurajojnë ata, duke u zotuar se do t’i përgjigjen sulmit.
“Bastisjet agresive sionist-amerikane në objektet civile nuk do të ndikojnë në operacionet tona ushtarake kundër entitetit armik sionist”, tha ai në mediat sociale.
Ai tha se Huthitët do të përshkallëzojnë sulmet e tyre dhe nuk do të ndalojnë së shënjestruari rrugët e transportit detar dhe Izraelin derisa të ndalojë luftën në Gaza.
Jemeni është përballur me një fushatë të intensifikuar ushtarake amerikane që nga mesi i marsit, duke përfshirë rreth 1,300 sulme ajrore dhe detare, që kanë rezultuar në qindra viktima civile, sipas grupit Huthi.
Huthët kanë synuar anijet që kalojnë nëpër Detin e Kuq dhe atë Arabik, Ngushticën Bab al-Mandab dhe Gjirin e Adenit që nga nëntori i vitit 2023 në solidaritet me palestinezët në Rripin e Gazës, ku gati 52,600 njerëz janë vrarë në një sulmet izraelite për më shumë se 19 muaj, shumica prej tyre gra dhe fëmijë.
