Gjysmëvjetori i dytë në shkollën “Mihal Grameno” në Fushë Kosovë nuk filloi si zakonisht.
Ndërrimi i orarit të mësimit për nxënësit e klasës së katërt dhe te pestë nuk u prit mirë nga të gjithë prindërit.
Vendosja e mësimit nga ora 14:50 deri në orën 18:30 për nxënësit e klasave të pesta në aneksin 1 të kësaj shkolle nuk u pëlqeu prindërve.
E për këtë zëvendësdrejtori i shkollës, thotë se vendimi u mor nga Këshilli Drejtues.
Nga 193 nxënës të klasave të pesta, vetëm 10 hynë në klasë.
E ankesë, këta prindër dërguan edhe në Drejtorinë e Arsimit në Fushë Kosovë të cilët bënë të ditur se po merren me rastin.
Tëvë 1 ka biseduar edhe me prindërit të cilët nuk po pajtohen me ndryshimin e orarit, por ata nuk kanë pranuar të flasin deri pas mbledhjes e cila është thirrur të mbahet pasditen e së premtes nga Këshilli Drejtues.
