Policia ka arrestuar një person dje për shkak të posedimit të paautorizuar të narkotikëve.
Fillimisht të dyshuarit iu gjetën në rrugën “Bedri Pejani” në Fushë Kosovë 96 gramë substancë e dyshuar marihuanë, e më pas gjatë kontrollit në shtëpinë e tij në Podujevë dhe objektet përcjellëse, iu gjetën edhe 336 gramë të tjera. Në total 432 gramë marihuanë.
Me vendim të prokurorit i njëjti është dërguar në mbajtje.
“Është arrestuar i dyshuari kosovar pasi që, gjatë kontrollit i janë gjetur dhe konfiskuar 96 gramë substancë e dyshuar narkotike e llojit marihuanë, ndërsa (në Podujevë) gjatë bastisjes në shtëpi dhe në objektet përcjellëse janë gjetur e konfiskuar edhe 336 gramë substancë narkotike e llojit të njëjtë, në peshë të përgjithshme 432 gramë. Me vendim të prokurorit, i dyshuari pas intervistimit është dërguar në mbajtje”, thuhet në njoftimin e PK-së.