Presidenti i Italisë, Sergio Mattarella, ka thënë se vendi i tij mbetët një partner i përkushtuar i Kosovës.
Ai këtë e ka thënë në urimin për 17-vjetorin e Pavarësisë së Kosovës dërguar presidentes Vjosa Osmanit.
Në mesazhin e tij, Presidenti Mattarella ka theksuar se të dy shtetet kanë fuqizuar miqësinë vazhdimisht gjatë viteve, falë edhe kontributit të palëkundur të Italisë për stabilitetin dhe sigurinë e Kosovës.
“Republika e Italisë mbetet një partner i përkushtuar i Kosovës, duke mbështetur përparimin e saj drejt integrimit euroatlantik dhe fuqizimin e demokracisë dhe stabilitetit në rajon”, thuhet në urimin e Presidentit Mattarella.
