Patentë shoferët e lëshuar nga Kosova do të njihen nga sot edhe në Itali.
Këtë e ka bërë të ditur ministrja e Jashtme e Kosovës, Donika Gërvalla e cila ka njoftua se është nënshkruar marrëveshje për njohjen e ndërsjellët të patentë shoferëve ndërmjet Kosovës dhe Italisë.
Ajo ka thënë se ky sukses prek drejtpërdrejt jetën e mërgimtarëve kosovarë dhe lehtëson lëvizjen e lirë.
“Kjo marrëveshje ndërshtetërore do të hyjë në fuqi pas 60 ditësh dhe është një dëshmi e përkushtimit të palëkundur të Qeverisë së Kosovës për të mbështetur mërgatën tonë gjithandej botës, e cila është pjesë e çmuar dhe e pandarë e zhvillimit dhe përparimit të Kosovës. Me energji dhe përkushtim jemi të vendosur të vazhdojmë punën tonë për t’u siguruar që çdo qytetar i Kosovës, brenda dhe jashtë vendit, të ndihet i mbështetur dhe i fuqizuar nga shteti ynë. Urojmë të gjithë qytetarët e Republikës së Kosovës që jetojnë në Itali për këtë lajm të mirë. Ambasada dhe konsullatat tona në Itali do të jenë në dispozicion për të udhëzuar rreth procedurave të nevojshme”, ka shkruar Gërvalla në Facebook.
Gjermania ishte vendi i parë i BE-së që mori vendim për njohjen e patentë shoferëve të Kosovës.
.
