Ahmet Isufi nga AAK-ja thotë se LVV-ja në fushatë nuk po sjell argumente për punën e projektet e së ardhmes, por po e kritikon opozitën.
Madje, Isufi thotë se partia qeverisëse po tenton edhe ta sulmojë opozitën.
“Opozita e ka argumentin me korrigjua Qeverinë… por, me qenë në Qeveri edhe sulmon në mënyrën e tillë opozitën, kjo ndodh për herë të parë në parlamentarizmin e Kosovës. Qeveria, në vend se të sjell argumente për punën ose mospunën e vetë për ato që bën kritika nga opozita, përkundrazi sulmon më shumë se opozita – Qeverinë”, tha ai në emisionin “Këndi i Debatit” në Tëvë1.
Sipas Isufit, LVV-ja thuajse i ka realizuar të gjitha projektet, veçse tashmë i ka mbetur që ta “zhduk opozitën”.
“Nuk flet për projekte, por për mënyrën se si do ta shkatërrojë opozitën, si do të mbesin ata në pozitë. Kjo, thuajse të gjitha punët tjera i ka përfunduar, porse tashmë i ka mbet se si me zhduk opozitën”, tha ai. /teve1.info/
