Drejtori Ekzekutiv i Forumit Ballkanik Astrit Istrefi, është shprehur skeptik se sot në takimin që do të mbahet mes kryeministrit Albin Kurti me të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar dhe atë të Bashkimit Evropian për dialogun Kosovë-Serbi, Miroslav Lajçak, do të arrihet një marrëveshje.
Madje Istrefi theksoi se çdo problem që është krijuar rreth veriut të vendit nuk është zgjidhë “aty për aty”, por që ka kërkuar procese.
“Deri tani është provu se çdo problem që është kriju rreth veriut ka kërku një proces nuk ka qenë një diçka që ka ndodhë aty për aty. Prandaj edhe sot unë besoj do të arrihet arrihet një marrëveshje se si të ecet tutje, por nuk do të ketë gjëra të përshpejtuara sepse nuk mund të rikthehet situata as aty ku ka qenë, por as të përmirësohet aq shpejtë me këtë eskalim që ka ndodhë kohëve të fundit. Prandaj unë besoj që do të ketë pajtim për një proces, por që nuk do të jetë diçka që ndodhë shpejtë”, tha Istrefi në emisionin “Ditari” në Tëvë1.
Sipas tij, kjo për shkak se ecuria e takimit të sontëm dhe arritja e ndonjë marrëveshjeje nuk varet vetëm prej Qeverisë së Republikës së Kosovës, por edhe asaj serbe.
“Nuk e besoj që do të ketë marrëveshje, unë besoj që do të ketë marrëveshje në parim që duhet të shtensionohet situata në veri, që duhet të ketë një proces, një takim duhet të ketë pastaj vendime politike që i hapin rrugë zgjidhjeve, por që nuk do të ketë të aty për atyshme. Nuk e besoj se nuk varet vetëm prej palës sonë prej Qeverisë së Kosovës, por varet edhe nga Qeveria serbe atje. Prandaj do të ketë ndoshta përafrim të qëndrimeve edhe pajtueshmëri në parim se si të vazhdohet me shtensionim”, shtoi ai./teve1.info./
