Policia ka gjetur rreth orës 16:00 një person të vdekur në një veturë në fshatin Çerkolez të Istogut.
Sipas zëdhënësit të Policisë për rajonin e Pejës, Fadil Gashi, ka thënë për Tëvë1 se Policia fillimisht u njoftua për një veturë “në të cilën dyshohet se gjendet një person pa shenja jete”. Pas mbërritjes në vendin e ngjarjes, një mjek konstatoi vdekjen e personit.
“Për rastin është njoftuar edhe prokurori i shtetit”, tha Gashi, duke shtuar se në vendin e ngjarjes janë të pranishme njësitë kompetente policore për të kryer hetimet e nevojshme.
