Mbrojtësi i Empolit, Ardian Ismajli është rikuperuar nga lëndimi dhe është i gatshëm për lojë pasi është grumbulluar nga trajneri Roberto D’Aversa për duelin ndaj Juventusi.
Ismajli i mungoi Empolit në pesë ndeshjet e fundit në Serie A, pasi qëndroi jashtë fushe rreth një muaj por tani do të jetë gati ta ndihmoj ekipin e tij në Kupën e Italisë.
Juventusi – Empoli është përballja e fundit çerekfinale e Kupës së Italisë, e cila luhet sot prej orës 21:00 në Torino.
Mbetet të shihet nëse Ismajli do të jetë startues apo do të jetë rezervist në këtë përballje, ku të dyja skuadrat synojnë kualifikimin në gjysmëfinale të Kupës së Italisë.
Ismajli 28-vjeçar këtë sezon është ndër lojtarët kryesor të Empolit dhe ndër mbrojtësit më të vlerësuar në Serie A, kampionat në të cilin ka regjistruar 23 paraqitje deri më tani.
Ai pritet të largohet në verë nga Empoli kur edhe i skadon kontrata me këtë ekip, të cilit iu bashkua në vitin 2021 nga Spezia.
