Mbrojtësi i Kombëtares së Shqipërisë, Ardian Ismajli, i cili është pjesë e skuadrës italiane Empoli, është një nga lojtarët më të mirë për muajin shtator të kampionateve më elitare të Evropës.
Së fundmi, faqja e specializuar e statistikave “ËhoScored.com” ka publikuar formacionin më të mirë të muajit të shtator në Top 5 Ligat evropiane.
Vend në këtë formacion ka zënë edhe Ismajli, i cili është përzgjedhur si një nga 11-të lojtarët më të mirë të muajit që lamë pas në kampionatet elitare.
Sa i përket notës për muajin shtator, mbrojtësi shqiptar është vlerësuar me notën 7.62 pas paraqitjeve të mira që i ka treguar në start të sezonit 2024/25.
Ismajli ishte ndër më të mirët te Empoli gjatë shtatorit, ndërsa në çdo takim të këtij sezoni në Serinë A është vlerësuar me notë pozitive.
Deri më tani, Ismajli 28-vjeçar ka regjistruar 7-të paraqitje në elitën e futbollit italian kurse me Empolin ka kontratë deri në verën tjetër.